सेनापती तात्या टोपे संचलित एन्झोकेम विद्यालयात गणरायाचे उत्साहात आगमन
येवला : प्रतिनिधी
सामाजिक प्रबोधनाचा भाग म्हणून गणेश प्रतिष्ठापना हा सामाजिक प्रबोधनाचा विषय व व्यासपीठ व्हावे म्हणून भव्य मिरवणुकीने वाजतगाजत सेनापती तात्या टोपे शिक्षण प्रसारक मंडळाच्या एन्झोकेम विद्यालयाने सामाजिक परंपरेला फाटा देत व स्त्री-पुरूष समानता अंमलात आणत गणरायाचे आगमन व प्रतिष्ठापना मुलींच्या हस्ते करत एक नवीन पायंडा एन्झोकेम विद्यालयाने पाडला. विद्यालयाच्या गणरायाचे सालाबादप्रमाणे या वर्षीही शहरातून वाजतगाजत मिरवणूकीद्वारे आगमन झाले. मिरवणुकीत सर्वात पुढे असलेल्या विद्यालयाच्या झांज पथक व लेझीम पथकाने शहरवासीयांसाची मने जिंकून घेतली. त्यानंतर कलशधारी मुलींचे पथक होते. शहरातील प्रमुख चौकांत झांज पथक व लेझीम पथकांनी नेत्रदीपक कला सादर करून सर्वांचीच मने जिंकली. चेतन बेलदार, ओम क्षीरसागर, रुद्र क्षीरसागर, साक्षी लोणारी, विद्यालयाचे प्राचार्य दत्ता महाले, पुरुषोत्तम रहाणे यांनी लाठीकाठी व दांडपट्टा फिरविण्याच्या चित्तथरारक कसरती सादर केल्या. मिरवणुकीत भगवान शंकर, पार्वती व गणरायाची वेशभूषा केलेल्या अनुक्रमे ऋतुजा तनपुरे, स्वरदा वानरे व हरिश आहेर या विद्यार्थ्यांचा चित्ररथही होता. विद्यालयात कर्मचारी मच्छिंद्र नाईकवाडे व त्यांच्या पत्नी शारदा नाईकवाडे, सामाजिक कार्यकर्ते श्रीकांत खंदारे तसेच विद्यालयाच्या विद्यार्थीनी यांच्या हस्ते गणरायाच्या मूर्तीची प्रतिष्ठापना करण्यात आली. कार्यक्रमाचे नियोजन उत्सवप्रमुख दत्ता उटवाळे, प्रसेन पटेल, प्राचार्य दत्ता महाले, उपप्राचार्य संजय बिरारी, पर्यवेक्षक किशोर जगताप, माधवराव गायकवाड, राजेंद्र गायकवाड यांनी केले. कार्यक्रम यशस्वीतेसाठी वीणा पराते, सरस्वती नागपुरे, आसावरी जोशी, चंपा रणदिवे, प्रसेन पटेल, रिजवान शेख, महेश कांबळे, रमेश माळी, प्रकाश सोनवणे, सारिका चौधरी, रंजना चौधरी, प्रेरणा जोशी, कैलास चौधरी, पुष्पा कांबळे, सुरेखा राजपूत, सुभाष नागरे, राम पटेल, सतिश विसपुते, अशोक सोनवणे, अनिल पगारे, भास्कर लहरे, विजय मोकळ, संदीप खोजे, कैलास धनवटे, कैलास पाटील, अविनाश कुलकर्णी, सुनिल कोटमे यांनी विशेष परिश्रम घेतले. पौरोहित्य बापू कुलकर्णी यांनी केले.