विद्या इंटरनॅशनल स्कूलच्या शेख बंधूंचे जिल्हास्तरीय कॅरम स्पर्धेत यश तसेच तालुकास्तरीय बुद्धिबळ स्पर्धेत चार विद्यार्थ्यांची निवडविद्या इंटरनॅशनल स्कूल यशाची परंपरा कायम
येवला
शालेय शिक्षण व क्रीडा विभाग, क्रीडा व युवकसेवा संचालनाय महाराष्ट्र राज्य पुणे, अंतर्गत जिल्हा क्रीडा अधिकारी कार्यालय व जिल्हा क्रीडा परिषद नाशिक, आयोजित जिल्हास्तरीय 14-17-19 वयोगटाखालील ( मुली) यांच्या शालेय कॅरम स्पर्धा नुकत्याच 26 ऑगस्ट रोजी एकूण 347 विद्यार्थ्यांच्या सहभागाने नासिक येथील विभागीय क्रीडा संकुल येथे मोठ्या उत्साहात व अतिशय खेळीमेळीच्या वातावरणात संपन्न झाल्यात.सदर स्पर्धेत विद्या इंटरनॅशनल स्कूलचा 14 वर्षाखालील मुलाच्या वयोगटात इयत्ता सहावीतील विद्यार्थी रिदान अंजुम शेख याने सलग पाच सामने जिंकून विभागीय संघात स्थान मिळवले , 19 वर्षाआतील मुलांच्या वयोगटात इयत्ता दहावीतील विद्यार्थी अरहम अंजुम शेख उत्कृष्ट खेळ करून स्पर्धेचे उपविजेतेपद मिळवले व मोहित दिनेश पालेजा यानेही उत्कृष्ट खेळ करून विभागीय संघात स्थान मिळवले..
नासिक येथे पार पडलेल्या जिल्हास्तरीय कॅरम स्पर्धेत उत्कृष्ट खेळाचे,व कलात्मक गुणांचे प्रदर्शन करून सर्व खेळाडूंची पुढील महिन्यात होणाऱ्या विभागीय कॅरम स्पर्धेसाठी त्याची नासिक विभागीय संघात निवड झाली याव्यतिरिक्त तालुकास्तरीय 14/17/19 वर्ष वयोगट मुले व मुली बुद्धिबळ स्पर्धा नुकत्याच एस.एन.डी. इंग्लिश मीडियम स्कूल येथे दिनांक 28 ऑगस्ट रोजी पार पडल्या सदर स्पर्धेत 14 वर्ष वयोगट मुली इयत्ता सहावीची विद्यार्थिनी कु.जिया पटणी, 17 वर्षे वयोगट मुले यात अर्णव संचेती ,17 वर्षे वयोगट मुली यात कु.तनिष्का वैद्य तसेच 19 वर्षे वयोगट मुली यात कु. मुमुक्षा साबद्रा यांनी यश संपादन करून सर्वांची जिल्हास्तरीय बुद्धिबळ स्पर्धेसाठी विद्यार्थ्यांची निवड झाली.
त्याच्या या यशाबद्दल संस्थेचे संस्थापक डॉ.राजेश पटेल ,डॉ.संगीता पटेल ,शाळेच्या प्राचार्या सौ.शुभांगी शिंदे मॅडम आणि सर्व शिक्षकेतर कर्मचारी यांनी अभिनंदन करून पुढील जिल्हास्तर व विभागीय स्पर्धेसाठी शुभेच्छा दिल्यात. सदर खेळाडूंना शाळेचे क्रीडाशिक्षक किरण कुलकर्णी यांचे मार्गदर्शन लाभले.
